მალხაზ მაკარის ძე სიორიძე

აჭარის ავტონომიური რესპუბლიკის უმაღლესი საბჭოს წევრი, უმაღლესი საბჭოს თავმჯდომარის  მოადგილე

დაიბადა 1957 წლის 2 მაისს ჩოხატაურის რ-ში. 1979 დაამთავრა ბათუმის შოთარუსთაველის სახელობის სახელმწიფო პედაგოგიური ინსტიტუტი ისტორია-უცხო ენის სპეციალობით. 1984-1986 წლებში იყო საქართველოს მეცნიერებათა აკადემიის ივანე ჯავახიშვილის სახელობის ისტორიისა და ეთნოგრაფიის ინსტიტუტის ასპირანტი.

• 1973-1974 წლებში მუშაობდა ქ. ბათუმის საყოფაცხოვრებო მანქანათსაშენ ქარხანაში მუშად.

• 1980-1984 წლებში იყო ქ. ბათუმის კულტურულ-საგანმანათლებლო სასწავლებლის პედაგოგი.

• 1980 წლიდან არის საქართველოს მეცნიერებათა აკადემიის ბათუმის ნ. ბერძენიშვილის სახელობის სამეცნიერო-კვლევითი ინსტიტუტის მეცნიერ-მუშაკი.

• 1993 წლიდან ბათუმის შოთა რუსთაველის სახელობის სახელმწიფო უნივერსიტეტის საქართველოს ისტორიის კათედრის წევრია.

• 2004 წლის 20 ივლისიდან არჩეულია აჭარის ავტონომიური რესპუბლიკის უმაღლესი საბჭოს დეპუტატად.

იცის რუსული, ფრანგული(ნაწილობრივ) ენები.

ჰყავს მეუღლე და ორი შვილი.