პეტრე ანზორის ძე ზამბახიძე

აჭარის ავტონომიური რესპუბლიკის უმაღლესი საბჭოს წევრი,  საკონსტიტუციო, იურიდიული და საპროცედურო საკითხთა კომიტეტის თავმჯდომარე

დაიბადა 1976 წლის 4 აგვისტოს ქ. ბათუმში. 1993 წელს დაამთავრა ქ. ბათუმის №4 საშუალო სკოლა.

• 1993 წელს ჩააბარა ქ. ბათუმის შოთა რუსთაველის სახელობის სახელმწიფო უნივერსიტეტის იურიდიულ ფაკულტეტზე სამართალმცოდნეობის სპეციალობით.
• 1999-2003 წლებში მონაწილეობა აქვს მიღებული ტრენინგ-სემინარებში: „ადამიანის უფლებების სამართალი“ , „სამართლიანი სასამართლო“, „სამოქალაქო ინტერესების დაცვა“.
• 1999 წლის 5 მაისიდან არის საზოგადოებრივი გაერთიანება  „მოსახლეობის ინტერესების დამცველთა კავშირის“  დამფუძნებელი და გამგეობის თავმჯდომარე.
• 1999-2001 წლებში „სამართლიანი არჩევნებისა და დემოკრატიის საერთაშორისო საზოგადოების“ აჭარის ავტონომიური რესპუბლიკის კოორდინატორია.
• 1999-2002 წლებში იყო ავტორი პროექტების:  „უფასო იურიდიული კონსულტაცია და სამართლებრივი დახმარება “, „ინფორმაციის თავისუფლება ბათუმში“.
• 2002 -2003 წლებში - „ადამიანის უფლებათა კავკასიის დირექტორატის აჭარის წარმომადგენლობისა და პროექტ  „სამართლიანი სასამართლო“-ს ხელმძღვანელი.
• 2003-2004 წლებში იყო პროექტ  „სამოქალაქო ინტერესების დაცვის“ ხელმძღვანელი და ადვოკატი.

იყო სახალხო მოძრაობა   „ჩვენი აჭარა“ -ს  დარბაზის წევრი,  აქტიურად მონაწილეობდა აბაშიძის რეჟიმის  წინააღმდეგ ბრძოლაში.

• 2004 წლის 20 ივლისიდან არჩეულია აჭარის ავტონომიური რესპუბლიკის უმაღლესი საბჭოს დეპუტატად.