ცოტნე ანანიძე - აქტივობა შშმ პირთა მხარდასაჭერად

14 ივნისი

 14 ივნისს, შეზღუდული შესაძლებლობის მქონე პირთა უფლებების დაცვის დღესთან დაკავშირებით, აჭარის უმაღლესი საბჭოს ადამიანის უფლებათა დაცვის საკითხთა კომიტეტის თავმჯდომარემ ცოტნე ანანიძემ, კაფე „თავისუფალ სივრცეში“ ერთი დღით მოხალისე მიმტანის პროფესია შეითავსა.

 -შემოსული თანხა დაეხმარება "თავისუფალ სივრცეს" მისიის შესრულებაში, რაც გულისხმობს შშმ ადამიანების წარმატებული სოციალიზაციისა და თვითრეალიზაციის მიზნით - დასაქმების, ასევე საზოგადოებაში ცნობიერების ასამაღლებელი ღონისძიებების მხარდაჭერას, - აღნიშნა ცოტნე ანანიძემ.

  აქცია სახელწოდებით - „მოხალისეობა - აქტივობა და საქმიანობა შშმ პირებისათვის“ მიზნად ისახავს სოციალური პასუხისმგებლობის პოპულარიზაციას საზოგადოებაში, სოციალური მეწარმეობის შესახებ ცნობიერების ამაღლებას და მოხალისეთა ინსტიტუტისადმი ჯანსაღი მიდგომების დამკვიდრებას.