მერაბ ალის ძე ქიძინიძე

დაიბადა 1960 წლის 25 მაისს ქ. ბათუმში. 1977 წელს დაამთავრა ქ. ბათუმის №16  საშუალო სკოლა. 1982 წელს დაამთავრა საქართველოს პოლიტექნიკური ინსტიტუტის სამრეწველო და სამშენებლო ფაკულტეტი და მიენიჭა ინჟინერ-მშენებლის  კვალიფიკაცია.

• 1982 წლის ოქტომბრიდან  მუშაობა დაიწყო ქ. ბათუმის სახლსაშენი საამქროს კომბინატში საყალიბე საამქროს ოსტატად.
• 1983 წლის მარტიდან მუშაობდა ახალგაზრდულ ორგანიზაციაში, სხვადასხვა ხელმძღვანელ თანამდებობებზე.
• 1985 წლიდან იყო აჭარის ავტონომიური რესპუბლიკის  მინისტრთა საბჭოს მშენებლობისა და საქალაქო მეურნეობის განყოფილების მთავარი რეფერენტი.
• 1991 წლის ნოემბრიდან  დაინიშნა აჭარის ავტონომიური რესპუბლიკის  უზენაესი საბჭოს პასუხისმგებელ ორგანიზატორად  ქობულეთის რაიონში.
• 1992 წლის დეკემბრიდან დაინიშნა  აჭარის ავტონომიური რესპუბლიკის  უზენაესი საბჭოს კონტროლის განყოფილების მთავარ სპეციალისტად.
• 1993 წლის დეკემბრიდან 1996 წლის ნოემბრამდე მუშაობდა   საკოორდინაციო ეკონომიკური საბჭოს პროექტებისა და წინადადებების ექსპერტიზის ჯგუფის ხელმძღვანელად.
• 1997 წლის თებერვლიდან 1998 წლის ივნისამდე მუშაობდა  საერთაშორისო „კომპანია კასპიან ტრანს“ -ის ნავთობის გადაზიდვებისა და გადატვირთვის მენეჯერად.
• 2000 წლის აპრილიდან საქართველოს ნავთობის საერთაშორისო კომპანია „ ბაქო-თბილისი-ჯეიჰანი“-ს პროექტის ექსპერტი.
• 2004  წლის მაისიდან დაინიშნა  აჭარის ავტონომიური რესპუბლიკის  დროებითი საპრეზიდენტო საბჭოს წევრად.
• 2004  წლის 20 ივლისიდან არჩეულია აჭარის ავტონომიური რესპუბლიკის უმაღლესი საბჭოს დეპუტატად.
• 2004-2008 წლებში- საფინანსო საბიუჯეტო და ეკონომიკურ საკითხთა კომიტეტის თავმჯდომარე
• 2010 წლის 31 მარტიდან დაინიშნა აჭარის ავტონომიური რესპუბლიკის უმაღლესი საბჭოს  თავმჯდომარესთან არსებულ სამეცნიერო-საკონსულტაციო საბჭოს თავმჯდომარედ.

იცის რუსული, ინგლისური (ნაწილობრივ) ენები.

ჰყავს მეუღლე და ორი შვილი.