1 ივლისი, 2011 წელი
ავსტრალიის ელჩის მოადგილის პირველი ვიზიტი საქართველოში
მიხეილ მახარაძესთან შეხვედრით დაიწყო
აჭარის ავტონომიური რესპუბლიკის უმაღლესი საბჭოს თავმჯდომარემ მიხეილ მახარაძემ ავსტრალიის ელჩის მოადგილე ჟაკლინ ეშვორთი და მეორე მდივანი სარა ქელი მიიღო.
ჟაკლინ ეშვორთი ანკარიდან ბათუმში Dდღეს ჩამოვიდა. საქართველოში ეს მისი პირველი ვიზიტია, ამიტომ შეხვედრა გაცნობითი ხასიათის იყო.
მიხეილ მახარაძემ სტუმრებს აჭარის ისტორია, უმაღლესი საბჭოს სტრუქტურა, რეგიონის ტურისტული პოტენციალი, ქვეყნის საგარეო და საშინაო პოლიტიკა, ქალაქის განვითარების კურსი და სამომავლო გეგმები გააცნო.
ჟაკლინ ეშვორთი რეგიონში განხორციელებული ინვესტიციებით დაინტერესდა. მან ღიად დააფიქსირა ავსტრალიის მხარდაჭერა საქართველოში მიმდინარე დემოკრატიული პროცესებისადმი.
`უმაღლესი თავმჯდომარის პოსტზე ჩემი 7-წლიანი მოღვაწეობის მანძილზე პირველი შეხვედრაა ავსტრალიის წარმომადგენლობასთან. საქართველოს და ავსტრალიას ახლო მეზობლური ურთიერთობა არ აქვს, ამიტომ ძალიან მნიშვნელოვანია სამომავლო ურთიერთობის გაღრმავებისთვის უფრო მეტი აქტიურობის გამოხატვა. მიხარია, რომ შეხვედრამ თბილ და საქმიან ვითარებაში ჩაიარა~, _ განაცხადა მიხეილ მახარაძემ.
ვიზიტის დასასრულს, უმაღლესი საბჭოს თავმჯდომარემ ავსტრალიელ დიპლომატებს სამახსოვრო საჩუქარი გადასცა _ ქართული თექის ნიმუში საქართველოს დროშის გამოხატულებით.
უმაღლესი საბჭოს საზოგადოებასთან და
მასმედიასთან ურთიერთობის განყოფილება