ლეილა ფელიქსის ასული ჩხეიძე

აჭარის ავტონომიური რესპუბლიკის უმაღლესი საბჭოს დეპუტატი, ჯანმრთელობის დაცვისა და სოციალურ საკითხთა კომიტეტის თავმჯდომარე

დაიბადა 1944 წლის 19 ივლისს ქ. ბათუმში. 1961 წელს წარჩინებით დაამთავრა ქ. ბათუმის №2 საშუალო სკოლა. 1963-69 წლებში სწავლობდა ქ. თბილისის სახელმწიფო სამედიცინო ინსტიტუტის პედიატრიის ფაკულტეტზე ექიმი-პედიატრის სპეციალობით.

• 1969-73 წლებში მუშაობდა ქ. ბათუმის ბავშვთა რესპუბლიკურ საავადმყოფოში ექიმ-ორდინატორად.
• 1973-1980 წლებში - ქ. ბათუმის ჩვილ ბავშთა სახლში მთავარ ექიმად.
• 1977-85 წლებში აჭარის ავტონომიური რესპუბლიკის მთავარი პედიატრია.
• 1975-1979 წლებში სწავლობდა ქ. მოსკოვის საკავშირო პედიატრიის ინსტიტუტის ასპირანტურაში. არის აჭარის ავტონომიური რესპუბლიკის დამსახურებული ექიმი. ჯანდაცვის სფეროში აქტიური პროფესიული და საზოგადოებრივი მოღვაწეობისათვის მიღებული აქვს საკავშირო ჯილდო.
• 1980-93 წლებში იყო ქ. ბათუმის საქალაქო საბჭოს აღმასკომის ჯანმრთელობის დაცვის განყოფილების გამგე.
• 1994-95 წლებში ჯანდაცვის სამინისტროს სამკურნალო სამმართველოს უფროსის მოადგილეა.
• 1989 წლიდან იყო ჩართული ეროვნულ მოძრაობაში და 2004 წლამდე არ შეუწყვეტია აქტიური ბრძოლა ასლან აბაშიძის რეჟიმის წინააღმდეგ.
• 2003 წელს იყო სახალხო მოძრაობა ,,ჩვენი აჭარის“   სათათბიროს წევრი. იყო ქალთა არასამთავრობო ორგანიზაცია ,,ლეჩაქის“ თავმჯდომარე.
• 2004 წლის 16 ივნისს დაჯილდოვდა ღირსების ორდენით.
• 2004 წლის 20 ივლისიდან არჩეულია აჭარის ავტონომიური რესპუბლიკის უმაღლესი საბჭოს დეპუტატად.

• 2005 წლიდან არის ,,ერთიანი ნაციონალური მოძრაობის“  აჭარის პოლიტიკური საბჭოს წევრი.

• 2006 წლის მაისიდან არის უმაღლეს საბჭოსთან არსებული გენდერული თანასწორობის საბჭოს თავმჯდომარე.

იცის რუსული, ინგლისური (ნაწილობრივ) ენები.

ჰყავს მეუღლე და ერთი შვილი.