მალხაზ აკაკის ძე კალანდაძე

აჭარის ავტონომიური რესპუბლიკის უმაღლესი საბჭოს წევრი, ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილე

დაიბადა 1964 წლის 11 დეკემბერს ქ. ბათუმში. 1981 წელს დაამთავრა ქ. ბათუმის №25 საშუალო სკოლა.

• 1981 წელს მუშაობდა ჩოხატაურის რ-ნის სოფ. ქვენობნის ჩაის საბჭოთა მეურნეობაში მუშად.

• 1981-83 წლებში  მუშაობდა ქ. ბათუმში სპეციალიზირებულ სამონტაჟო საექსპლუატაციო უბანზე დამხმარე მუშად.

• 1983-85 წლებში იმყოფებოდა სამხედრო სავალდებულო სამსახურში.

• 1982-1991 წლებში სწავლობდა საქართველოს პოლიტექნიკურ ინსტიტუტში, ელექტროამძრავი და სამრეწველო დანადგართა ავტომატიზაციის სპეციალობაზე. კვალიფიკაცია ინჟინერ-ელექტრიკოსი.

• 1985-2004 წლებში მუშაობდა ქ. ბათუმის ტრანსფორმატორების ქარხანაში მატერიალურ-ტექნიკური მომარაგების განყოფილების უფროსის მოადგილედ.

• 2003 წლიდან არის ნაციონალური მოძრაობის წევრი.

• 2003 წლის დეკემბრიდან „ერთიანი ნაციონალური მოძრაობის“ აჭარის რეგიონალური სამსახურის ხელმძღვანელია.

• 2004 წლის 20 ივლისიდან არჩეულია აჭარის ავტონომიური რესპუბლიკის უმაღლესი საბჭოს დეპუტატად.

• 2005 წლიდან არის „ერთიანი ნაციონალური მოძრაობის“ აჭარის პოლიტიკური საბჭოს მდივანი.

იცის რუსული ენა.

ჰყავს მეუღლე და ორი შვილი.