ზურაბ რამიზის ძე მიქელაძე

აჭარის ავტონომიური რესპუბლიკის უმაღლესი საბჭოს წევრი, აგრარული და თვითმმართველობის საკითხთა კომიტეტის თავმჯდომარე

დაიბადა 1947 წლის 30 ივნისს ქ. ბათუმში.

• 1964-66 წლებში მუშაობდა ქ. ბათუმის ხის დამამუშავებელ კომბინატში.
• 1966-72 წლებში სწავლობდა საქართველოს სუბტროპიკული მეურნეობის ინსტიტუტში, აგრონომიის სპეციალობით და მიენიჭა აგრონომ-სუბტროპიკოსის კვალიფიკაცია.
• 1972-73 წლებში მოიხადა სავალდებულო სამხედრო სამსახური.
• 1973-84 წლებში სწავლობდა საქართველოს სუბტროპიკული მეურნეობის ინსტიტუტის ასპირანტურაში და დაიცვა საკანდიდატო დისერტაცია აგროქიმია-სუბტროპიკული კულტურების განხრით.
• 1973-84 წლებში იყო საქართველოს სუბტროპიკული მეურნეობის ინსტიტუტში უფროსი ლაბორანტი, მასწავლებელი, დოცენტი.
• 1984-91 წლებში მუშაობდა  სუბტროპიკული ნაყოფის შენახვა-გადამუშავების სრულიად საკავშირო სამეცნიერო-კვლევითი და ექსპერიმენტულ-საკონსტუქტორო ინსტიტუტში განყოფილების გამგედ.
• 1991-96 წლებში -  საქართველოს საკონსერვო მრეწველობის სამეცნიერო-კვლევითი და სასწავლო ინსტიტუტის დირექტორის მოადგილე სასწავლო დარგში, იმავდროულად   ხელმძღვანელობს ნედლეულის წარმოების შენახვისა და მემბრანული ტექნოლოგიის განყოფილებას.
• 1991-95 წლებში  იყო აჭარის ავტონომიური რესპუბლიკის უზენაესი  საბჭოს დეპუტატი.
• 1996-2000 წლებში - საქართველოს სუბტროპიკული ნაყოფის შენახვისა და გადამუშავების სამეცნიერო-კვლევითი  და სასწავლო ტექნოლოგიური ინსტიტუტის დირექტორის მოადგილე და ნედლეულის შენახვის ლაბორატორიის გამგე.
• 2003-2004 წლებში-  ბათუმის აგრარული ბიოტექნოლოგიებისა და ბიზნესის ინსტიტუტის დირექტორის მოადგილე და ლაბორატორიის გამგე.
• 2004 წელს იყო აჭარის ა რ დროებითი საპრეზიდენტო საბჭოს წევრი.
• 2004 წლის 20 ივლისიდან არჩეულია აჭარის ავტონომიური რესპუბლიკის უმაღლესი საბჭოს წევრად, არის ქედის რაიონის მაჟორიტარი დეპუტატი  №80/ 7 საარჩევნო ოლქიდან.
• 2005 წლიდან არის ,,ერთიანი ნაციონალური მოძრაობის“ აჭარის პოლიტიკური საბჭოს წევრი.

იცის  რუსული,  ფრანგული  ენები.

ჰყავს მეუღლე და ორი შვილი.