რაულ ასლანის ძე თავართქილაძე

 აჭარის ავტონომიური რესპუბლიკის უმაღლესი საბჭოს წევრი, საკონსტიტუციო, იურიდიული და საპროცედურო საკითხთა კომიტეტის თავმჯდომარის მოადგილე 

დაიბადა 1969 წლის 13 სექტემბერს ხულოს რაიონში.

• 1986 წელს მუშაობდა ხულოს რაიონის კოლმშენში მუშად.
• 1987-89 წლებში გაიარა სამხედრო სავალდებულო სამსახური საჰაერო თავდაცვის ძალებში.
• 1991 წელს ჩააბარა საქართველოს შსს-ს უმაღლეს სკოლაში და 1995 წელს დაამთავრა შსს აკადემია სამართალმცოდნეობის სპეციალობით. კვალიფიკაცია -იურისტი.

• 1995-2003 წლებში იყო საქ. შსს-ს სისხლის სამართლის სამძებროს მთავარი სამმართველოს უფროსი ინსპექტორი, განსაკუთრებით მნიშვნელოვან საქმეთა უფროსი ინსპექტორი, ორგანიზებულ დანაშაულთან ბრძოლის სამმართველოს  განყოფილების უფროსის მოადგილე.
• 2003-2004 წლებში ეკავა ორგანიზებულ დანაშაულთან ბრძოლის სამმართველოს უფროსის მოადგილის თანამდებობა.
• 2003 წელს იყო სახალხო მოძრაობა „ჩვენი აჭარის“ წევრი.
• 2004 წლის 20 ივლისიდან არჩეულია აჭარის ავტონომიური რესპუბლიკის უმაღლესი საბჭოს მაჟორიტარ დეპუტატად,  ხულოს რაიონის №84\11  საარჩევნო ოლქიდან.
• 2005 წელს გახდა  „ერთიანი ნაციონალური მოძრაობის“  აჭარის პოლიტიკური საბჭოს წევრი.
• 2005 წლის მაისიდან  არის ,,ერთიანი ნაციონალური მოძრაობ“-ის ხულოს  რაიონული ორგანიზაციის თავმჯდომარე.
• 2005 წლიდან არის ჭიდაობის ფედერაციის პრეზიდენტი.
• 2006 წლიდან არის ეროვნული გვარდიის 23-ე სარეზერვო ბატალიონის მეთაური.

იცის რუსული  ენა.

ჰყავს მეუღლე და ორი შვილი.