ხიმშიაშვილი იოსებ რიზას ძე

     დაიბადა 1942 წლის 5 მაისს შუახევის რ-ნის სოფ. ნიგაზეულში. 1970 წელს დაამთავრა ბათუმის შოთა რუსთაველის სახელობის პედაგოგიური ინსტიტუტის ისტორია-ფილოლოგიის ფაკულტეტი ქართული ენისა და ლიტერატურის მასწავლებლის სპეციალობით, 1982 წელს კი ბაქოს უმაღლესი პარტიული სკოლა. 1988 წელს დაამთავრა საქართველოს სასოფლო-სამეურნეო ინსტიტუტი, სოფლის მეუბრნეობის ეკონომისტის სპეციალობით.

• 1960-1961 წლებში მუშაობდა ახალდაბის 8-წლიანი სკოლის მასწავლებლად. 1962 წელს პედაგოგიურ მოღვაწეობას ეწეოდა სოფ. კაკალაძეების დაწყებით სკოლაში.
• 1962 წელს ჩაირიცხა ბათუმის შოთა რუსთაველის სახელობის პედაგოგიურ ინსტიტუტის ისტორია-ფილოლოგიის ფაკულტეტის დასწრებულ განყოფილებაზე.
• 1963-1966 წლებში მოიხადა სამხედრო სავალდებულო სამსახური.
• 1968-1974 წლებში მუშაობდა კომკავშირის შუახევის რაიკომის საორგანიზაციო განყოფილების გამგედ, შემდეგ მეორე და პირველ მდივნად.
• 1974-1979 წლებში _ საქართველოს კომპარტიის აჭარის საოლქო კომიტეტის ინსტრუქტორად.
• 1979-1985 წლებში _ საქართველოს კომპარტიის ხულოს რაიკომის მეორე მდივნად.
• 1985-1990 წლებში _ საქართველოს კომპარტიის შუახევის რაიკომის პირველ მდივნად.
• 1990-1991 წლებში _ აჭარის ავტონომიური რესპუბლიკის განათლების მინისტრად.
• 1991 წელს _ საქართველოს კომპარტიის აჭარის საოლქო კომიტეტის მეორე მდივნად.
• 1991-1996 წლებში _ გონიოს კოოპერაციული ინსტიტუტის დეკანად.
• 1996-2004 წლებში _ აჭარის ავტონომიური რესპუბლიკის პოლიგრაფიისა და საგამომცემლო საქმის სახელმჭიფო დეპარტამენტის თავმჯდომარედ.
• 2004 წელს _ აჭარის ავტონომიური რესპუბლიკის დროებითი საპრეზიდენტო საბჭოს წევრად.
• 2004 წლის 20 ივლისიდან 2008 წლის ნოემბრამდე არჩეული იყო აჭარის ავტონომიური რესპუბლიკის უმაღლესი საბჭოს წევრად, შუახევის #82/10 საარჩევნო ოლქიდან.
• 2008 წლის 11 ივნისიდან 2008 წლის ნოემბრამდე მუშაობდა აჭარის ავტონომიური რესპუბლიკის უმაღლესი საბჭოს განათლების, მეცნიერების, კულტურისა და სპორტის საკითხთა კომიტეტის თავმჯდომარედ.
• 2009 წლის იანვრიდან მუშაობს აჭარის ავტონომიური რესპუბლიკის უმაღლესი საბჭოს თავმჯდომარესთან არსებული სამეცნიერო-საკონსულტაციო საბჭოს თავმჯდომარედ.

იცის რუსული და გერმანული ენები.

ჰყავს მეუღლე და ორი შვილი.