ლალი დავითის ასული ზაქარაძე

 ჯანმრთელობის დაცვისა და სოციალურ საკითხთა კომიტეტის წევრი

დაიბადა 1971 წლის 6 იანვარს ქ. ბათუმში. 1987 წელს ოქროს მედალზე დაამთავრა ქ. ბათუმის №4 საშუალო სკოლა. 1992 წელს წარჩინებით დაამთავრა თბილისის ივანე ჯავახიშვილის სახელობის სახელმწიფო უნივერსიტეტის ფილოსოფია-ფსიქოლოგიის ფაკულტეტი, ფილოსოფიის სპეციალობით. კვალიფიკაცია ფილოსოფოსი, ფილოსოფიის მასწავლებელი.

• 1992-95 წლებში იყო საქართველოს მეცნიერებათა აკადემიის სავლე წერეთლის სახელობის ფილოსოფიის ინსტიტუტის ასპირანტი. მინიჭებული აქვს ფილოსოფიის მეცნიერებათა კანდიდატის სამეცნიერო ხარისხი.
• 1996-97 წლიდან 2006 წლის 1 სექტემბრამდე  იყო საქართველოს მეცნიერებათა აკადემიის სავლე წერეთლის სახელობის ფილოსოფიის ინსტიტუტის ქართული ფილოსოფიის ისტორიის განყოფილების უმცროსი, ხოლო შემდეგ უფროსი მეცნიერ-თანამშრომელი.
• 1997 წელს დაიცვა საკანდიდატო დისერტაცია თემაზე: „სიკეთის იდეა ქართულ ნეოპლატონიზმში“.
• 1999 წელს მიენიჭა საქართველოს პრეზიდენტის „ახალგაზრდა მეცნიერთა“ II ხარისხის სტიპენდია.
• 2001 წლიდან არის ბათუმის შოთა რუსთაველის სახელობის სახელმწიფო უნივერსიტეტის დოცენტი. კითხულობს ლექციებს თბილისის ივანე ჯავახიშვილის სახელობის და ბათუმის შოთა რუსთაველის სახელობის სახელმწიფო უნივერსიტეტებში, ეწევა სამეცნიერო საქმიანობას, მუშაობს ძირითადად ქართული ფილოსოფიის ისტორიისა და კულტუროლოგიის, აგრეთვე შუა საუკუნეების გერმანული და პოლიტიკის ფილოსოფიის საკითხებზე. არის რამდენიმე სამეცნიერო ნაშრომის ავტორი ქართულ და რუსულ ენებზე.
• იყო „სახალხო მოძრაობა - ჩვენი აჭარის“  წევრი .
• 2004 წლის 28 მარტის საპარლამენტო არჩევნებში იყო საქართველოს ცენტრალური საარჩევნო კომისიის თავმჯდომარის კომისარი ბათუმის №79-ე ოლქში.
• 27.05.2004 - 15.08.2005 წ.წ.  გახლდათ  ბათუმის შოთა რუსთაველის სახელობის სახელმწიფო უნივერსიტეტის პრორექტორი ჰუმანიტარულ დარგში.
•  ფლობს ამერიკის უნივერსიტეტის ტრანსნაციონალური დანაშაულისა და კორუფციის კვლევის ცენტრის სერტიფიკატს „კორუფციისა და ტრანსნაციონალური დანაშაულის თეორია და პრაქტიკა“ (2004 წ.). 

• 2004  წლის 20 ივლისიდან არჩეულია აჭარის ავტონომიური რესპუბლიკის უმაღლესი საბჭოს დეპუტატად.
• 2006 წლის იანვრიდან ხელმძღვანელობს ბათუმის სახელმწიფო უნივერსიტეტის ფილოსოფიისა და სოციალურ-პოლიტიკურ მეცნიერებათა აკადემიურ დეპარტამენტს.

• 2006 წლის 23 მარტიდან 8 დეკემბრამდე იყო აჭარის ავტონომიური რესპუბლიკის  უმაღლესი  საბჭოს  ფრაქცია       „ ნაციონალური მოძრაობა-გამარჯვებული აჭარა“-ს თავმჯდომარე.

• 2006 წლის 1 სექტემბრიდან არის შოთა რუსთაველის სახელმწიფო უნივერსიტეტის პროფესორი.

ფლობს რუსულ  და გერმანულ ენებს.

ჰყავს მეუღლე და ერთი შვილი.